Autobiografia

Fadil Kukleci u lind me  10 Tetor 1948  në fshatin Lluga,  komuna e Istogut .Shkollën  fillore e kreu në vendlindje, ndërsa gjimnazin në Istog. Diplomoi në Universitetin e Prishtinës  në Fakultetin e Shkencave Matematiko – Natyrore, dega e Biologjisë , të cilin e kreu me sukses  në vitin 1976.
   
Pas kryerjes së fakultetit filloi të punojë si profesor në Shkollën e mesme teknike në Prishtinë  pastaj në gjimnazin ,,Sami Frashëri’’,  ndërsa nga viti 1980  punon në Shkollën e mesme të mjekësisë ,,Dr Ali Sokoli’’ në  Prishtinë.
   
Bletën dhe punën rreth bletës e deshi shumë që nga fëmijëria, mirëpo në atë kohë bletohej  në mënyrë primitive. Gjatë studimeve filloi  të lexojë  dhe të grumbullojë  literaturë nga  bletaria. Qysh   herët   vie  në përfundim se në  bletari mund të arrihen  rezultate të dëshirueshme  vetëm me familje të forta. Për të arrit deri te ky rezultat eksperimenton në mënyra të ndryshme  gjë që shihet  edhe në librin e tij të parë ,,Bletimi sipas metodës Kukleci’’.
   
Lufta e fundit shkatërroi  çdo gjë, nuk  kursej as bletët. Kështu, që në vitin 1999 filloi  prap  nga zeroja, por tani me një përkushtim më të madh dhe në mënyrë profesionale. Autori  bleton me rreth 250 familje bletësh, në fillim në mënyrë të stacionuar e tani edhe me shpërngulje.
   
Në mënyrë profesionale merret edhe me prodhimin e mëmave dhe qumështit të bletëve.
Është bashkëpunëtor i revistës mbarëkombëtare ,,Bleta’’
,,Bletaria Bashkëkohore’’  është libri  i dytë  i autorit

 



© Copyright 2011 Bletaria KUKLECI. Created by: Luan Matoshi.